Gure gizartean Zientzien, Arteen eta Letren jakintza zabaltzea da Jakiunderen zereginetako bat.
Hau dela eta, Jakiundek Jakin-mina jardueraren zortzigarren edizioa antolatu du Euskal Autonomia Erkidegoan, Deustuko Unibertsitatea, Euskal Herriko Unibertsitatea (UPV/EHU), eta Mondragon Unibertsitatearen lankidetzarekin.
Jakin-minak gazteen garapen intelektuala eta pertsonala du helburu, goi mailako profesionalen hitzaldiz osaturiko diziplina anitzeko programaren bitartez. Gazteen jakintza-eremua zabaldu nahi da, eta haien jakin-mina piztu, ezezaguna bilatzera anima daitezen bultzatuz.
Aurrekoetan bezala, gure institututik DBH 4. mailako ikasleak badoaz eta hitzaldi-zikloa amaitu eta gero ziurtagiria emango zaie.
Honekin batera doakizue ikasturte honi dagozkion egitarauak eta iazko argazkiak.