Martxoaren 24tik 28ra bitartean Braunschweigeko Ricarda Huch Schuleko ikasleak gure institutuan izan ziren alemana ematen duten ikasleak ezagutzeko eta bi hizkuntzen ezagutza areagotzeko. Horretaz gain, ikasleak bi kultura hauetara hurbiltzea izan da helburua.
“Ikasle alemanak etorri ziren lehenengo egunean Usandizaga-Peñaflorida institutura, bertan elkar ezagutu genuen eta jolas batzuk egin ondoren hiria ezagutzera eraman genituen. Astean zehar proiektu bat egiten aritu ginen, gure kultura eta tradizioak partekatuz. Arratsaldean elkarrekin denbora pasatzen genuen eta hobeto ezagutu genuen elkar. Esperientzia hunkigarria izan da eta gustatuko litzaiguke horrelakoren bat berriz bizitzea”, Anne, Gisselle, Aixa, Koldo eta Jaime ( Alemaneko ikasleak).
