Zesta Festa diseinu jaialdia
Diseinua eta sormena Hondarribian
Zestafesta diseinuaren eta sormenaren maitaleen topagunea izango da, eta bertan aurkezpenak eta tailerrak egingo dira sektoreko puntako profesionalekin. Ekitaldi honen funtsa eta antolaketa hobeto ulertzeko, Julia Lasa eta Ane Garmendiarekin batera ekitaldi honen antolatzaileetako bat den Patri Tabernarekin hitz egin dugu.
Esaiguzu Patri, nola sortu zen Zestafesta sortzeko ideia eta zerk inspiratu zintuzten proiektu hau aurrera eramateko?
Konturatu ginen halako ekitaldi batean partetan parte hartu eta gozatzeko Bartzelona, Valentzia… bezalako hirietara joan behar genuela, eta handik gertu Serifalaris bezalako erreferentea degula Getxon. Gipuzkoan ez genuen antzekorik, baina talentu handiko profesional asko ditugu sektorean. Beraz, gu geu egitera animatzen gara! Plazer bisualaz gozatzeko, hitzaldi interesgarriekin hausnartzeko eta hain online dagoen mundu honetan aurrez aurre topatzeko.
Lekua aukeratzea funtsezkoa da horrelako ekitaldi baten atmosferarako, zergatik aukeratu zenuen Hondarribiko Itsas Etxea Auditoriuma Zestafestarako egoitza gisa
Hondarribiak badu bere magia, herri euskalduna eta kultur mugimendua. Udalarekin hitz egin genuen eta proiektuaren aldeko apustua egin zuten! Itsas Etxea Auditorio ederra da, non soinu, ikusmen eta espazio kalitate aparta dugun. Gainera, 400 lagunentzako edukiera du, eta erronka handia izan bada ere… gure proposamena are gehiago baloratzera bultzatu gaitu!
Edozein ekitaldiren ezinbesteko osagaia ikuslegoa da. Zer pertsona mota ikustea espero duzue edizio honetan?
Diseinuaren, ilustrazioaren edo arte-zuzendaritzaren arloko profesionalei eta mundu bisualaren zaleei zuzenduta dago. Eta noski ikasleei ere.
Tailerrak ikaskuntza praktikoaren funtsezko atala dira. Zer nolako tailerrak eskainiko ditu Zestafestak? Nork emango ditu tailer horiek?
Goizeko tailerrak AG Caligrafíako Ainhoa Gordok ematen ditu, Neuland kaligrafia tailerrarekin. Banaka elkarteko Kattalin Agueda, zeramika eta Kulluxkako Libe eta Maore Sagarzazu tailerrekin, ehungintza eta estanpazio tailerrarekin.
Tailerretako inskripzioak kaleratu ahala, sold out bat egin genuen, eta ez gara harritzen, oso jende top direlako, kalitate izugarriko lana egiten dutelako eta denoi gustatzen zaigulako pantailetatik deskonektatuz eskuzko zerbaitetaz gozatzea.
Zestafestaren alderdi nabarmenetako bat hizlarien aniztasuna da; zer irizpide erabili duzue ekitaldian parte hartuko duten hizlariak aukeratzeko?
Talentua duten eta nazioan edo nazioartean errekonozimendua duten euskaldun sortzaileak elkartzea gustatzen zitzaigun, gure inguruan dugun kalitate profesionala ikusarazteko. Gainera, haien lanez eta ideiataz gozatu ahal izango dugu, guretzat eta, segur aski, beste pertsona askorentzat erreferente diren aldetik. Sormenaren munduko hainbat esparru ere irudikatu nahi izan ditugu, hala nola diseinu grafikoa, argazkigintza, ilustrazioa, interiorismoa…
Zestafestako hizlari nabarmenetako bat Andoni Beristain da. Zer esango diguzu Andonik Zestafestan izan duen parte-hartzeari buruz?
Uste dut Andonik begirada paregabea duela, ponentzietarako profilak bilatzeko orduan primeran egokitzen zitzaiguna. Bere sorkuntza-prozesuez, asmoez eta erreferentziez hitz egingo du, oso inspiratzailea izango da! Berarekin tarte bat pasatze hutsa luxu bat da.
Ekitaldian Isa Muguruza ere izango da, bere estilo paregabeagatik ezaguna; zein da Isa Muguruzak Zestafestari egiten dion ekarpena?
Zuk diozun bezala, Isa bere estilo bakarragatik da ezaguna: errealitatearekin eta irudimenarekin jolasten du, eta gaur egun gizartean ditugun balioak, egoerak edo arazoak irudikatzen ditu. Bere fantasiazko munduan murgiltzea oso gauza berezia izango da, kontatzeko duen guztiarekin konektatu eta fliparatuko degu.
Bonita Estudio bezalako talde sortzaileekin lankidetzan aritzea funtsezkoa da Zestafestarentzat. Nola sortu zen zuen lankidetza Bonita Estudiorekin eta zer espero dezakete bertaratutakoek zure parte-hartzetik?
Bonita Estudio bi neska dira, eta jatorrak ez ezik, oso ondo egiten dute beren lan, proiektuei buelta ematen diete eta tradizioa modernizatzen dute oso ikuspegi egokitik. Gero eta gehiago nabarmentzen ari dira diseinu alorrean eta izena egiten ari dira beren estilo grafikoarekin; beraz, nik papera eta bolia eramango nituzke beren ideiei, prozesuei edo arte-zuzendaritza ulertzeko moduari buruz ikasteko.
Marken identitatea diziplina sortzaile anitzen bidez arakatzea gai garrantzitsua da Zestafestan. Zerk bultzatu zintuzten programan Pensando en blanco sartzera eta zure ustez zein izango da beraien aurkezpenaren eragina publikoarengan?
Pensando en blanco webgunean, Instagramen edo Espacio PEN proiektu berrian sartzen bazara, dena esanda dagoela uste dut. Diseinatzen duten proiektu bakoitzean emaitza ikusgarria da, kalitate gorenekoa eta estilo minimalista sintetikoarekin batera. Gure alorrean, nori ez dio galtzen hasieratik bukaerara perfekziora zuzendutako proiektuen plazer bisual hori?
Neurri honetako ekitaldi bat antolatzeak erronka ugari dakartza. Zeintzuk izan dira Zestafestaren antolaketan aurre egin behar izan diezun erronkarik handienak eta nola gainditu dituzue?
Zorionez, taldearen barruan bagenuen beste ekitaldi batzuk antolatzen lan egin izanaren esperientzia. Baina uste dut unerik zailenak izen on bati buruzko erabakiak hartzea edo parte hartzailea harrapatzen duen irudi eta ildo estetiko bat erabakitzea izan direla. Are gehiago, gure publikoa kontuan hartuta, gure sektorean oso behatzaileak baitkara eta oso begi kritikoa baitugu.
Herriko komunitateak paper garrantzitsua betetzen du Zestafestan. Nolakoa izan da Hondarribiko komunitateak Zestafestari eman dion erantzuna eta zein paper jokatzen dute ekitaldian? Zer eragin izatea espero duzu Zestafestak tokiko eta eskualdeko sormen-komunitatean?
Oso pozik gaude harrera ona izan dugula sentitzen dugulako, jendearen energiak punch handia ematen digu! Lehen edizio honetan 400etik 100 sarrera baino gutxiago geratzen zaizkigu, beraz, espero dugu pertsona horiek guztiak etortzea, gozatzea eta haien itxaropenen mailan egotea eta “beste bat!” eskatzea.
Badirudi tailerrak beteta daudela, baina oraindik badago lekua arratsaldeko hitzaldi eta ekitaldietarako. Zer esango zenioke jendeari ekitaldi berezi honetan parte hartzera animatzeko?
Poz handia emango liguke Auditorioa betetzeak. Topera gozatuko duzuela uste dugu, 4 hitzaldi oso indartsu ditugu Esti Curiel aktorearen umorearen bidez dinamizatuta, Topa! unea Bidassoa Basque Breweryko tokiko ZESTAFESTA edizio berezia diren garagardoekin… eta sorpresa gehiago! Beraz, aprobetxatuko nuke horrelako ekitaldi bat etxean dugula, eta nahiz eta batzuetan alferkeriaz irten… ederra izango da!
Bukatzeko eta etorkizunera begira; nola ikusten duzu Zestafestak datozen urteetan izango duen bilakaera, edizio berriak espero dituzue eta zer gehitu nahiko zenukete etorkizuneko ekitaldietan?
Gustatuko litzaiguke ZESTAFESTA geratzeko etorri izana. Jendearen laguntza besterik ez dugu behar; horrela, erakutsi behar dugu topaketa horiek beharrezkoak direla erakundeek diseinuaren, sormenaren eta kulturaren aldeko apustua egiten jarrai dezaten. Ea laguntzen diguten bigarren, hirugarren edo hamargarren edizio batekin!