Atzo, Usandizaga institutuko 17 ikaslek ikasgelak eta ordenagailuak utzi eta punta-puntako laborategiak bisitatu zituzten. Luxu bat izan zen BCBL zentroan izatea gure garunak nola funtzionatzen duen bertatik bertara ezagutzeko. Ainhoa Egigurenen eskutik, aurkezpen interesgarri bat eta jarduera batzuk izan genituen adimen-prozesuak hobeto ulertzeko. Gainera, Brendan Costellok zeinu-hizkuntzaren inguruan egiten ari diren ikerketa lana azaldu zigun, garunak komunikatzeko duen gaitasun harrigarria erakutsiz. Zientziaz, ikasgaiz eta inspirazioz betetako eguna izan zen belaunaldi berrientzat!
